Երևանի կենտրոնական կայազորային հոսպիտալի աղոթասրահը վերանորոգվել է և բացվել բժշկական հաստատության անձնակազմի և բուժում ստացող զինծառայողների համար։
Աղոթասրահը՝ վերանորոգումից հետո
Տարիներ շարունակ մոմավառության հետևանքով աղոթասրահը պատվել էր մրով և վերանորոգման կարիք ուներ։
Վերանորոգման իրականացմանն աջակցել է հոսպիտալի բուժանձնակազմը։ Վերանորոգումից հետո աղոթասրահը կրկին բաց է բոլորի համար, տեղեկացնում է ՀՀ ԶՈւ հոգևոր առաջնորդության կայքը։
Նշենք, որ աղոթասրահը բացվել է 1996 թվականի դեկտեմբերին երջանկահիշատակ Գարեգին Ա կաթողիկոսի և ՀՀ պաշտպանության նախարար Վազգեն Սարգսյանի համատեղ ջանքերով։