Ադրբեջանի պաշտպանության նախարար, գեներալ-գնդապետ Զաքիր Հասանովն օրերս հրամանագիր է ստորագրել, որի համաձայն թվով 7 բարձրաստիճան զինվորականներ համալրել են պահեստային ուժերը։
Պահեստային ուժերի կազմում է հայտնվել նաև պաշտպանության նախկին նախարար, շուրջ 18 տարի պաշտոնավարած Սաֆար Աբիևը՝ չնայած որ համաձայն ավելի վաղ հնչած կանխատեսումների՝ նա հավակնում էր ՊՆ համակարգում նոր պաշտոն ստանալուն։
Մնացյալ 6 զինվորականներն են ԶՈւ ԳՇ կազմակերպչական-մոբիլիզացիոն վարչության պետ, գեներալ-լեյտենանտ Յաշար Այդամիրովը, ՊՆ գլխավոր տեսչական վարչության պետ, գեներալ-մայոր Ֆազիլ Աշումովը, ՊՆ թիկունքային ապահովման վարչության պետ, գեներալ-մայոր Փիրի Իսրաֆիլովը, ՊՆ ռազմակրթական վարչության աշխատակից, գեներալ-մայոր Էլման Հանբարովը (Սաֆար Աբիևի օրոք եղել է ՊՆ հատուկ վարչության պետ), ՊՆ ռազմաբժշկական ծառայության աշխատակից, գեներալ-մայոր Դաղլար Աբդուլաևը (Սաֆար Աբիևի օրոք՝ ՊՆ ռազմաբժշկական վարչության պետ)։
Նկատենք, որ Ադրբեջանի ՊՆ-ն այս պահի դրությամբ դեռևս չի մեկնաբանել սույն տեղեկությունը։
Հավելենք նաև, որ Սաֆար Աբիևի հեռացումից հետո նրա հասցեին սուր քննադատություններ էին հնչում ադրբեջանական թե´ իշխանամետ, թե´ ընդդիմադիր դիրքորոշում ունեցող լրատվամիջոցներում։