Գազայի հատվածում իսրայելական ԱԹՍ է վայր ընկել

Մարտի 11-ին իսրայելական անօդաչու թռչող սարք է վայր ընկել ու պայթել Գազայի հատվածում։ Sky Rider ԱԹՍ-ն կործանվել է տեխնիկական խնդիրների պատճառով։

Իսրայելական ԱԹՍ-ի թողած հետքը Գազայի երկնքում Նկարը՝ AFP-ի

Այս մասին հայտնում է AFP լրատվական գործակալությունը՝ հղում անելով Իսրայելի պաշտպանության բանակին։

Թե ինչ է իսկապես եղել ԱԹՍ-ի հետ, կպարզի հետաքննությունը։

Գազայի հատվածում իշխտող պաղեստինյան Համաս խմբավորումը հայտնել է, որ ԱԹՍ-ն վայր է ընկել Ռաֆահ քաղաքում, իսկ սարքի կտորներն արդեն հայտնաբերվել են։

Իսկ ահա Ռոյթերս գործակալությունը գրում է, որ նույն ժամանակահատվածում իսրայելական ավիացիան հարված է հասցրել Ռաֆահ քաղաքում տեղակայված թիրախներին։ «Իսլամական ջիհադ» խմբավորումն էլ հայտնել է, որ իր ակտիվիստներից 3-ը զոհվել են։

Տեղեկացնենք, որ Sky Rider անօդաչու թռչող սարքն օգտագործվում է հետախուզական նպատակներով։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *