Ներկայացվել է Զուլֆիգար հակատանկային հրթիռային համալիրը։ Իրանի ռազմածովային ուժերի 29-րդ նավատորմիղը Կարմիր ծովում կասեցրել է ծովահենների հարձակումն իրանական նավթային տանկերի վրա։ Իրանում ստեղծել են հիպերձայնային աերոդինամիկ խողովակ։ Իսլամական հեղափոխության պահապանների կորպուսի սպառազինությունը համալրվել է նոր տեսակի բալիստիկ հրթիռներով։ Հիմք է դրվել մի շարք հրթիռների արտադրությանը։
Իրանի ռազմածովային ուժերի նավեր
” Մարտի 1-ին իրանական Iran Electronics Industries ընկերությունը պաշտպանության նախարարության կազմակերպած ցուցահանդեսի ժամանակներկայացրել է Զուլֆիգար հակատանկային հրթիռային համալիրը։Ցուցահանդեսին այցելել է նաև Իրանի Իսլամական Հանրապետության նախագահ Հասան Ռոուհանին։
” Իրանի ռազմածովային ուժերի 29-րդ նավատորմիղը Կարմիր ծովում կասեցրել է ծովահենների հարձակումը իրանական նավթային տանկերի վրա։ Իրանի ռազմանավերը ստիպել են ծովահեններին նահանջել և լքել ավազանը, իսկ նավթային տանկերը բարեհաջող հասել է նախանշված նավահանգիստ։
” Իսլամական հեղափոխության պահապանների կորպուսի գիտնականները ստեղծել են հիպերձայնային աերոխողովակ։ Թեհրանի իմամ Հուսեյնի անվան համալսարանում ստեղծված ագրեգատը նախատեսված է հրթիռների և տիեզերական սարքավորումների փորձարկման համար։
” Իսլամական հեղափոխության պահապանների կորպուսի սպառազինությունը համալրվել է անջատվող մարտական մասով օժտված բալիստիկ հրթիռներով։ Այս մասին հայտարարել է պաշտպանության նախարար Հոսեյն Դեհգանը։ Նա նշել է, որ այս տեսակի բալիստիկ հրթիռները զգալիորեն կբարձրացնեն Իրանի զինված ուժերի մարտունակության աստիճանը։ Նշվում է, որ բալիստիկ նոր հրթիռների թռիչքի հեռավորությունը գերազանցում է 2000 կմ-ը։
” Իրանում հիմք է դրվել Քադր, Քիյամ և Ֆաթեհ-110 բալիստիկ հրթիռների, Խալիջ-Է Ֆարս հակատանկային հրթիռային համալիրների ու Մարսադ զենիթային կառավարվող հրթիռների զանգվածային արտադրությանը։ Արտադրության մեկնարկի հանդիսավոր արարողությանը ներկա է եղել պաշտպանության նախարար Հոսեյն Դեհգանը։
Ռազմաշաբաթը նաև՝