Բրազիլիան փորձարկում է իտալական Iveco-ի զրահամեքենաները

Բրազիլական զինված ուժերի գնահատման կենտրոնը սկսել է փորձարկել Iveco Defence Vehicles ընկերության բրազիլական մասնաճյուղի արտադրած բազմանպատակային LMV (Light Multirole Vehicle) զրահամեքենաները։

Փորձարկումները սկսվել են փետրվարի վերջրին, չնայած, որ արտադրող ընկերությունը մեքենաները զինված ուժերին էր հանձնել դեռևս 2013-ի նոյեմբերին։ Ըստ Ջեյնս ռազմական հանդեսի՝ պատճառն այն է, որ զինված ուժերի հրամանատարությունը սպասում էր մեքենայի արտադրության հետ կապված պայմանագրերի ու այլ փաստաթղթերի վերջնական վավերացմանը

Իտալական LMV (Light Multirole Vehicle) զրահապատ բազմանպատակային մեքենան։ Նկարը militaryparitet.com կայքի

Փորձարկումներ անցնող զրահապատ մեքենան արտադրվել է հենց Բրազիլիայում, որտեղ 2013-ից հունիսին հիմնվել է իտալական Iveco Defence3 Vehicles ընկերության Հարավային Ամերիկայի մասնաճյուղը։ Հենց այստեղ 2013-ին հարավամերիկյան պետություններին ներկայացվել է LMV (Light Multirole Vehicle) մեքենան։

Իտալական ընկերության արտադրած LMV մեքենաների առաջին նախատիպը ներկայացվել է 2001-ին։ Մեքենայի զանգվածը 6,5 տոննա է, անձնակազմը 4-ից 7 մարդ՝ կախված մեքենայի արդիականացումից։ Այս մեքենաներից իրենց զինված ուժերի սպառազինությունում ունեն Ռուսաստանը, Մեծ Բրիտանիան, Իտալիան, Իսպանիան ու մի քանի այլ երկրներ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *