Փետրվարի 20-ին Լիբիայի զինված ուժերի Ան-26 բեռնատար ինքնաթիռ է կործանվել Թունիսի տարածքում։ Նախնական տվյալներով՝ ավիավթարի հետևանքով մահացել են ինքնաթիռի բոլոր ուղևորներն ու անձնակազմը։
Ընդհանուր առմամբ, ինքնաթիռում եղել է 11 հոգի։ Ինքնաթիռը տեղափոխում էր բժիշկների ու հիվանդների, փոխանցում է AFP լրատվական գործակալությունը։
Ան-26. Լիբիայի ԶՈւ
Լիբիական ինքնաթիռը վայր է ընկել Թունիս քաղաքից 40 կմ հեռավորությամբ Գրոմբալիա շրջանում։ Վթարը գրանցվել է կեսգիշերին, ցամաքում տուժածներ չեն եղել։ Դեպքի առնչությամբ հետաքննություն է ընթանում։
Անտոնով Ան-26 ինքնաթիռն արտադրվել է Խորհրդային Միությունում։ Առաջին թռիչքը կատարել է 1969 թվականին։ Լիբիայի զինված ուժերի կազմում կա 9 Ան-26։