Ռուսաստանյան «Կալաշնիկով» կոնցերնը կազմավորման հենց առաջին տարում այն փակել է շուրջ 49 մլն ամերիկյան դոլարի վնասով։ «Կալաշնիկով» կոնցերնը նախատեսում է այդ վիճակից դուրս գալ երկու տարվա ընթացքում, իսկ դրա համար անհրաժեշտ է, որ արտադրությունն ավելացվի երկու անգամ՝ հասցվելով մինչև 150 հազար միավոր արտադրանքի։
Կալաշնիկով կոնցերնի արտադրանք
Այս մասին հայտնում է ռուսաստանյան Ռիա Նովոստի լրատվական գործակալությունը՝ հղում անելով կոնցերնի գլխավոր տնօերն Ալեքսեյ Կրիվորուչկոյին։
Հիշեցնենք, որ «Կալաշնիկով» կոնցերնը ստեղծվել է «Իժմաշ» ընկերության հիմքի վրա և միավորում է մի շարք առաջատար ռազմական տեխնիկա արտադրող ռուսական ընկերություններ։ Նախկինում կոնցերնը ղեկավարում էր Կոնստանտին Բուսիգինը, իսկ 2014 թվականի հունվարից կոնցերնի գլխավոր տնօրեն է նշանակվել Աերոէքսպրես ընկերության տնօրեն Ալեքսեյ Կրիվոռուչկոն:
Նշենք, որ Կալաշնիկով կոնցերնը, որն իր մեջ ներառում է հրաձգային զենքի արտադրության մի քանի ձեռնարկություն, ՌԴ կառավարության 2013-ի հոկտեմբերի 4-ի որոշմամբ ընդգրկվեց Ռուսաստանի ռազմավարական ձեռնարկությունների կազմում, որով վերջինիս տրվեց նաև արտոնություններ տնտեսական դաշտում:
Հավելենք նաև, որ կոնցերնը, բացի հրաձգային զենքի արտադրության ձեռնարկությունից, ներառում է նաև հատուկ տեխնիկայի, հաստոցաշինական և սարքավորումների արտադրության ձեռնարկություններ:
Համալիրը օդային թիրախներ հայտնաբերում է շուրջ 32 կմ հեռավորությունից, միաժամանակ կարող է հսկել մինչև 10 թիրախ ու միաժամանակ հարվածել մինչև 4 թիրախի։ Հրթիռի թռիչքի հեռավորությունը 10-15 կմ է։ Համալիրի մոդուլի զանգվածը 15 տոննա է, անձնակազմը՝ 2 հոգի։
Մոդուլային կառուցվածքի ու զանգվածի շնորհիվ համալիրը կարող է տեղադրվել ինչպես բեռնատարների, այնպես էլ նավերի ու տանիքների վրա, տեղափոխվել ուղղաթիռներով։