Օլիմպիական խաղերի ընթացքում շփման գծում հրադադարը պահպանվելու է. Մինսկի խմբի ամերիկացի համանախագահ

ԵԱՀԿ Մինսկ խմբի ԱՄՆ համանախագահ Ջեյմս Ուորլիքն օրերս այցելել էր Ադրբեջան և Հայաստան։ Այցելությունից հետո Թվիթերի իր միկրոբլոգում համանախագահը գրառում է կատարել՝ փաստելով, որ ՀՀ նախագահ Սերժ Սարգսյանը և Ադրբեջանի նախագահ Իլհամ Ալիևը պատրաստակամություն են հայտնել շփման գծում որևէ կերպ չխախտել հրադադարի ռեժիմը Սոչիում կայանալիք օլիմպիական խաղերի ընթացքում։

ԵԱՀԿ Մինսկ խմբի ԱՄՆ համանախագահ Ջեյմս Ուորլիք թվիթերյան գրառումը

ԵԱՀԿ Մինսկ խմբի ԱՄՆ համանախագահ Ջեյմս Ուորլիք թվիթերյան գրառումը

Ուորլիքը գրել է. «Բարի լուր։ Հայաստանի և Ադրբեջանի նախագահները վերահաստատել են հրադադարի ռեժիմը հարգելու հանձնառությունը հատկապես օլիմպիական խաղերի ժամանակ»։

Հիշեցնենք, որ ՀՀ նախագահը փետրվարի 5-ին ընդունել էր ԵԱՀԿ Մինսկի խմբի համանախագահներ Իգոր Պոպովին (Ռուսաստան), Ջեյմս Ուորլիքին (ԱՄՆ), Ժակ Ֆորին (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկին:

Համանախագահների հետ հանդիպում էր ունեցել նաև ՀՀ պաշտպանության նախարար Սեյրան Օհանյանը։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *