Ավստրալիայի ռազմածովային ուժերը սպառազինությունից հանել են բոլոր երեք բազմաթիրախ AgustaWestland A109E ուղղաթիռները, որոնք շահագործման էին ընդունվել 2007թ.-ին: Հայտնում է Flightglobal-ը: Այդ ուղղաթիռներից հրաժարումը պայմանավորված է դրանք նոր՝ Bell 429 ուղղաթիռներով փոխարինելով:
A109E ուղղաթիռները կվերադարձվեն մատակարար Raytheon Australia ընկերությանը: Ավստրալական A109E ուղղաթիռներն օգտագործվել են զինծառայողների տեղափոխման և բազմաթիրախ ուղղաթիռների օդաչուներ պատրաստելու համար:
5 տարվա գործունեության ընթացքում ուղղաթիռներն իրականացրել են վեց հազար ժամյա թռիչք, ուսուցում է անցել շուրջ 60 անձնակազմ:
Bell 429 ուղղաթիռների գնման՝ 26 մլն դոլար ընդհանուր արժեքով պայմանագիրը կնքվել է 2011թ. սեպտեմբերին: Առաջին ուղղաթիռը կտրամադրվի ընթացիկ տարում և կրկին կօգտագործվի նաև օդաչուների պատրաստման համար: