Ադրբեջանի զինված ուժերի լեյտենանտ Սաբուհի Ռուսթամ օղլու Ազիզովը, ըստ ադրբեջանական վարկածի, Աղդամի (Ակնա) ուղղությամբ առաջնագծում «հայկական գնդակից» հրազենային վնաասվածք է ստացել ու մահացել։
Սաբուհի Ռուսթամ օղլու Ազիզով
Ադրբեջանի պաշտպանության նախարարությունն այս պահի դրությամբ չի մեկնաբանել միջադեպը։
Հայտնի է, որ զինծառայողը զորակոչվել էր Շիրվանի շրջանից։
Նկատենք, որ հունվարի 19-ին ադրբեջանական ձախողված դիվերսիայից հետո սա Ադրբեջանի ԶՈւ երրորդ զոհն է, երկրորդ մարտական կորուստը։
[թարմացում] Ադրբեջանի պաշտպանության նախարարությունը հաստատել է լեյտենանտի կորուստը։ ՊՆ-ի տվյալներով՝ նա սպանվել է «հայ դիպուկահարի կրակոցից մարտական առաջադրանք կատարելիս» հունվարի 27-ին 12։30-ի սահմաններում։ Ադրբեջանի պաշտպանության նախարար Զաքիր Հասանովը հետմահու պարգևատրել է լեյտենանտին 3-րդ աստիճանի «Գերազանց ծառայության համար» շքանշանով։