Շրի Լանկայում պաշտոնապես գրանցված է 30 հազար դասալիք, թեև իշխանությունները փորձեր են կատարել վերադարձնել զինված ուժերն ապօրինի լքած զինծառայողներին։
Շրի Լանկայի ԶՈւ զինծառայողներ։ Աղբյուր՝ Defense News
Շրի Լանկայի զինված ուժերը «Թամիլյան վագրեր» կազմակերպության հետ արյունալի մարտերի ընթացքում և դրանից հետո 60 հազար դասալիք է ունեցել։ Նրանց ուղիղ կեսը ներկայացել է իրավապահ մարմիններին, ինչի համար էլ մեղմ պատիժների է արժանացել։ Սակայն 2014-ի տվյալներով դեռ 30 հազար դասալիք շարունակում է մնալ հետախուզության մեջ, ընդ որում՝ նրանցից շուրջ 270-ը սպաներ են։ Շրի Լանկայի ոստիկանությանը հրահանգված է հնարավորին արագ գտնել նրանց ու պատասխանատվության ենթարկել։ Այս մասին հայտարարել է Շրի Լանկայի պաշտպանության նախարարության մամուլի խոսնակ Ռուվան Վանիգասուրիյան, փոխանցում է Defense News ռազմական լրատվակայքը։
Նշենք, որ «Թամիլյան վագրեր» խմբավորումը պայքարում շուրջ 40 տարի պայքարում է Շրի Լանկայի հյուսիսում թամիլների անկախ պետություն ստեղծելու համար։ Կենտրոնական իշխանության հետ պայքարում տասնյակ հազար զոհեր են գրանցվել։ 2009 թվականին կառավարական զորքերին հաջողվել է պարտության մատնել խմբավորմանը և տեղակայված երկար տարիներ նրանց ենթակայության տակ հայտնված շրջաններում։ Ներկայում Շրի Լանկան շուրջ 200 հազարանոց բանակ է պահում։