Իսրայելն ու Ղազախստանը ռազմական ոլորտում համագործակցության համաձայնագիր են կնքել։ Համաձայնագրի կնքման արարողությունն անցկացվել է Թել Ավիվում հունվարի 20-ին։
Այն ստորագրել են Իսրայելի պաշտպանության նախարար Մոշե Յաալոնն ու նրա ղազախստանցի պաշտոնակից Ադիլբեկ Ջակսբեկովը։
Համաձայնագիրը նախատեսում է երկու պետությունների պաշտպանական գերատեսչությունների միջև կապերի խորացում, ինչպես նաև բազմակողմանի համագործակցություն ռազմարդյունաբերության ոլորտում։ Ղազախստանի պաշտպանության նախարարը երկօրյա այցի ընթացքում հանդիպել է նաև իսրայելցի բարձրաստիճան զինվորականներին և ռազմական արտադրանք թողարկող ընկերությունների ղեկավարների։
Defense News լրատվակայքի տեղեկություններով՝ Ղազախստանը հիմնականում հետաքրքրված է իսրայելական արտադրության անօդաչու թռչող սարքերով, սահմանային անվտանգության համակարգերով, արբանյակային կապի տեխնոլոգիաներով և այլ սպառազինությամբ։