Նախազորակոչային տարիքի պատանիներն այսուհետ էլեկտրասրտագրում ու որովայնային օրգանների սոնոգրաֆիա կանցնեն

ՀՀ կառավարությունն իր այսօրվա նիստին նախկին որոշումներից մեկում կատարել է լրացում, որը միտված է նախազորակոչային տարիքի պատանիների բժշկական հսկողության, օգնության ու սպասարկման գործընթացի բարելավմանը:

<Առաջին օղակում լիարժեք բժշկական հետազոտության անցկացումը հնարավորություն կտա հայտնաբերված հիվանդությունը բուժել մինչև զորակոչային տարիքը, ինչի շնորհիվ բանակը կհամալրվի առողջ կադրերով,  տեղեկացնում է ՀՀ կառավարության պաշտոնական կայքը։

ՀՀ կառավարության նիստից

ՀՀ կառավարության նիստից

Կառավարությանն ուղղված հիմնավորման մեջ առողջապահության նախարարությունը նշել էր.

«Հայաստանի Հանրապետության կառավարության 2008 թվականի հուլիսի 10-ի N 748-Ն որոշմամբ նախազորակոչային տարիքի համար սահմանված պարտադիր կարգով կատարվող լաբորատոր-գործիքային ախտորոշիչ հետազոտությունների ցանկում ներառված չէն «էլեկտրասրտագրում» և «որովայնի օրգանների սոնոգրաֆիա» հետազոտությունները, ինչը հանգեցնում է որոշ հիվանդությունների միայն  զորակոչային տարիքում հայտնաբերմանը: Քանի որ նման մոտեցումը  հնարավորություն չի ընձեռնում նախազորակոչային տարիքում նման հիվանդությունների վաղ հայտնաբերման, հիվանդության առկայության դեպքում  հետագա` պետության կողմից երաշխավորված անվճար ամբուլատոր կամ հիվանդանոցային բուժման և ապաքինման համար, նպատակահարմար է կատարել առաջարկվող լրացումը»:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *