Վրաստանում անցկացվում է միջազգային հրամանատարաշտաբային դասընթաց, որին մասնակցում են ավելի քան 20 երկրի ներկայացուցիչ: Հրամանատարաշտաբային դասընթացի մասնակից գրեթե 20 երկրի բարձրաստիճան զինվորականների և քաղաքացիական անձանց հանդիպել է Վրաստանի պաշտպանության նախարար Իրակլի Ալասանիան:
Միջազգային հրամանատարաշտաբային դասընթացի մասնակիցները
Նկարը` Վրաստանի ՊՆ կայքի
Այս մասին հայտնում է Վրաստանի ՊՆ մամուլի ծառայությունը:
Ալասանիան միջազգային դասընթացի թվով 50 մասնակիցներին ծանոթացրել է Վրաստանի պաշտպանական համակարգում իրականացված և իրականացվող բարեփոխումներին: Հանդիպման ընթացքում նախարարը մասնակիցների ուշադրությանն է հրավիրել նաև միջազգային և տարածաշրջանային անվտանգության, Վրաստանի արտաքին քաղաքականության հարցերը:
«Խոսել ենք մեր երկրի, աշխարհաքաղաքականության, այն մարտահրավերների մասին, որի առաջ ինչպես ռազմական, այնպես էլ քաղաքական առումով կանգնած է Վրաստանը: Նրանք հետաքրքրությունը մեծ է: Ես համոզված եմ, որ նրանք Վրաստանին համարում են խոշոր և հուսալի գործընկեր: Սպասվող հանդիպումները կամրացնեն ինչպես ՆԱՏՕ-ի դաշինքը, այնպես էլ բոլոր երկրների հետ երկկողմ հարաբերությունները»,- հայտարարել է Վրաստանի պաշտպանության նախարարը:
Հանդիպմանը ներկա էին նաև Վրաստանի զինված ուժերի Գլխավոր շտաբի պետ, գեներալ-մայոր Վախթանգ Կապանաձեն, նրա տեղակալ Միխեիլ Դարչիաշվիլին և այլ բարձրաստիճան զինվորականներ:
Հավելենք, որ մասնակիցները այցելելու են նաև Վրաստանի պաշտպանության ակադեմիա, ինչպես նաև նախատեսված են Վրաստանում ՆԱՏՕ-ի գրասենյակի ներկայացուցիչների հետ հանդիպումներ: