Ադրբեջանում ԱԻՆ սպան դանակահարել է ՊՆ սպային

Ադրբեջանի Շիրվան քաղաքում արտակարգ իրավիճակների նախարարության սպա, ավագ լեյտենանտ Սամիր Մուսաևը դանակահարել է պաշտպանության նախարարության սպա, Նախիջևանի զորամասերից մեկի դասակի հրամանատար Ֆուադ Գուլիևին:

Ինչպես հաղորդում է ադրբեջանական azvision.az լրատվակայքը, միջադեպը գրանցվել է դեկտեմբերի 29-ին: Դանակահարողը փախուստի է դիմել դեպքի վայրից:

Ըստ կայքի՝ ներկա դրությամբ ընթանում  են հետաքննական-որոնողական աշխատանքներ:

Ադրբեջանի ԱԻՆ-ը և ՊՆ-ն այս պահի դրությամբ միջադեպին չեն արձագանքել:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *