Զեկույց. Ադրբեջանը ՌԴ-ից գնել է 91 միավոր ԲՄՊ-3

Ռուսաստանյան «Զենքի համաշխարհային առևտրի վերլուծության կենտրոնի» հրապարակած զեկույցի համաձայն՝ Ադրբեջանը Ռուսաստանից գնել է 91 միավոր ԲՄՊ-3 հետևակի մարտական մեքենա՝ ընդհանուր առմամբ 220 մլն դոլար արժողությամբ։

«ԲՄՊ-3» հետևակի մարտական մեքենան։

«ԲՄՊ-3» հետևակի մարտական մեքենան։

Ըստ զեկույցի՝ 91 ԲՄՊ-3-ի համար Ադրբեջանը վճարել է ընդհանուր 220 մլն ԱՄՆ դոլար, այսինքն` մեկ միավորի համար մոտ 2.4 մլն ԱՄՆ դոլար։ ԲՄՊ-3-ների ձեռքբերումը ինքնին բավականին վիճելի որոշում էր, իսկ մեքենայի այդպիսի բարձր արժեքն էլ ավելի կասկածելի է դարձնում այդ գործարքի նպատակահարմարությունը։ Համեմատության համար նշենք, որ 2.4 մլն դոլարով կարել է ձեռք բերել և արդիականացնել Տ-72 տիպի տանկ։

«Զենքի համաշխարհային առևտրի վերլուծության կենտրոնի» զեկույցը տվյալներ է տալիս նաև պայմանագրի ժամկետների վերաբերյալ, համաձայն որոնց, պայմանագիրը կնքվել էր 2011-ին և նախատեսվում էր, որ մատակարարումը կավարտվի 2013-ին։ Սակայն, ինչպես ավելի վաղ նշել էինք, գործարքի կատարման ընթացքում անխուսափելի են ուշացումները. դա ընդհանրապես բավական տարածված երևույթ է սպառազինության շուկայում, և պայմանագրի լիարժեք կատարումը պետք է սպասել 2014-2015 թվականներին։

Հիշեցնենք, որ ադրբեջանական ԲՄՊ-3-ներն առաջին անգամ ցուցադրվեցին 2013-ի հունիսի 26-ին Բաքվում կայացած զորահանդեսի ժամանակ, իսկ ավելի վաղ ցանցում հայտնվել էին մատակարարված առաջին խմբաքանակի նկարներ։

Ծանոթացեք նաև Հայաստանի ձեռքբերումների մասին տվյալներին.
Զեկույց. Լեհաստանը Հայաստանի համար 84 տանկ է արդիականացնում
Զեկույց. Հայաստանի ԲՄՊ-2-ները վերանորոգվում են Ռուսաստանում
Զեկույց. 6 միավոր «չինական Սմերչ» Հայաստանին

One response to “Զեկույց. Ադրբեջանը ՌԴ-ից գնել է 91 միավոր ԲՄՊ-3

  1. Pingback: Ադրբեջանն իր ԲՄՊ-3 հետևակի մարտական մեքենաները կստանա 2016-ին | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *