Ադրբեջանի պաշտպանության նախարարն այցելել է նոր ռազմածովային բազա (ֆոտո)

Ադրբեջանի պաշտպանության նորանշանակ նախարար, ԶՈւ գեներալ-գնդապետ Զաքիր Հասանովը և նրա տեղակալ, ԶՈւ ԳՇ պետ, գեներալ-գնդապետ Նաջմեդին Սադիգովն օրերս այցելել են Ադրբեջանի ռազմածովային ուժերի նոր բազան։

Զաքիր Հասանովն ու Նաջմեդին Սադիգովը Ադրբեջանի ՌԾՈւ նոր բազայում

Ինչպես հաղորդում է Ադրբեջանի պաշտպանության նախարարության պաշտոնական կայքը, նախարարն ու ԳՇ պետը ծանոթացել են բազայում տարվող շինարարական աշխատանքների ընթացքին։

Զաքիր Հասանովն ու Նաջմեդին Սադիգովը Ադրբեջանի ՌԾՈւ նոր բազայում

Ըստ աղբյուրի՝ նախարարը կոչ է արել հնարավորինս շուտ ավարտել բազայի կառուցումը։

Զաքիր Հասանովն ու Նաջմեդին Սադիգովը Ադրբեջանի ՌԾՈւ նոր բազայում

Նկատենք, որ Ադրբեջանի ՊՆ-ն չի հաղորդում ռազմաբազայի տեղակայման վայրն ու շինարարության ավարտի նախատեսված ժամկետները։ Այնուհանդերձ, դեռևս նոյեմբերի 3-ին հայտնի էր դարձել՝ Ադրբեջանի Ղարադաղի շրջանի Պուտա ավանում ՌԾՈւ ռազմաբազա է կառուցվում։

Ադրբեջանի ՌԾՈւ նոր ռազմաբազա