Նորվեգիայի զինված ուժերի հրամանատարությունը նոյեմբերի 19-ին առաջարկել է ԶՈւ-ում շաբաթը մեկ անգամ բուսակերության օր սահմանել։ Դրա օգնությամբ կխնայեն միս պատրաստելու համար ռեսուրսները։
Ինչպես հաղորդում է AFP լրատվական գործակալությունը, զինվորականների խոսքերով՝ բուսակերության օրը կկասեցնի մսային կերակուր պատրաստելու ժամանակ ջերմոցային գազերի՝ օդ արտանետումը։ Այդ գազերն արագացնում են համաշխարհային տաքացումը։
Նշենք, որ բուսակերության օրն արդեն փորձարկվում է Նորվեգիայի ռազմաբազաներից մեկում։ Սա թույլ է տալիս եզրակացնել, որ բուսակերության օր հաստատելու առաջարկի ընդունումը շատ հավանական է։
Ծրագրվում է այդպիսի օր սահմանել նույնիսկ Նորվեգիայի սահմաններից դուրս ծառայություն անցնող նորվեգացի զինծառայողների համար։
Այնուհանդերձ, մասնագետների կարծիքով՝ այս քայլով Նորվեգիայի ԶՈւ-ն նախ նյութական խնայողություն է կատարում։ Շաբաթը մեկ զինծառայողներին բուսական սնունդ տալով՝ խնայում են տարեկան շուրջ 150 տոննա միս։