Ադրբեջանի զինված ուժերում գրանցվել է հերթական պատահարը, որի հետևանքով ծանր վիրավորվել է ԶՈւ զինծառայողներից մեկը։ Հայտնի է, որ ականի պայթյունը եղել է առաջնագծի հատվածում։
Ադրբեջանի պաշտպանության նախարարության մամուլի ծառայությունը հաստատել է, որ ԶՈւ ենթասպա Համեթ Ալիհեյդար օղլու Նասիրովը հող փորելու աշխատանքներ կատարելիս պայթել է ականի վրա։ Ծանր վնասվածքներ ստացած զինծառայողին տեղափոխել են հոսպիտալ։
Նշենք, որ Ադրբեջանի ՊՆ-ն չի հաղորդում, թե որ շրջանի զորամասի զինծառայող է եղել տուժածը, և ինչ վիճակում է նա հոսպիտալ տեղափոխվելուց հետո։