Հեռացվել է Ադրբեջանի ՊՆ տպարանի տնօրենը

Ադրբեջանում պաշտպանության նախարարության շրջանակներում հերթական կադրային փոփոխությունն է։ Այս անգամ պաշտոնանկության փաստը հաստատում է հենց ինքը՝ ՊՆ տպարանի տնօրենը։

Ադրբեջանի պաշտպանության նախարարություն

Ադրբեջանի պաշտպանության նախարարություն

Ադրբեջանական Anspress լրատվական գործակալության թղթակցին տված հարցազրույցում Ադրբեջանի ԶՈւ գնդապետ, ռազմական տպարանի տնօրեն Փանահ Աբդուլաևը հաստատել է, որ 2013-ի նոյեմբերի 12-ին պաշտպանության նորանշանակ նախարար, գեներալ-գնդապետ Զաքիր Հասանովը ստորագրել է իրեն աշխատանքից ազատելու հրամանագիրը։ Աբդուլաևը չի մանրամասնել՝ արդյոք իրեն նշանակել են այլ պաշտոնի և թե ով է զբաղեցրել տպարանի տնօրենի պաշտոնը։

Ադրբեջանի պաշտպանության նախարարությունը չի արձագանքել տեղեկությանը։

Նկատենք, որ հոկտեմբերի 24-ից ի վեր Ադրբեջանի ՊՆ համակարգում կադրային կտրուկ փոփոխություններ են կատարվում։ Ադրբեջանի ՊՆ մամուլի ծառայությունը հազվադեպ է հաստատում փոփոխությունների մասին լուրերը կամ էլ տալիս է անորոշ պատասխաններ։

Պաշտոնանկությունների և նշանակումների տեղեկությունների իսկությունը հնարավոր է լինում պարզել միայն աշխատանքից հեռացված կամ նշանակված զինվորականի մեկնաբանության շնորհիվ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *