Ինդոնեզիայում նոյեմբերի 9-ին վթարի է ենթարկվել Մի-17 ռազմական ուղղաթիռը: Կան զոհեր և վիրավորներ: Ուղղաթիռը տեղափոխում էր զինծառայողների ու շինարարների:
Լուսանկար՝ Ինդոնեզիայի Մի-17 ուղղաթիռի կործանման վայրից
Ինչպես հաղորդում է AFP լրատվական գործակալությունը, ուղղաթիռի վթարը գրանցվել է Բորնեո կղզու ինդոնեզական հատվածի ջունգլիներում, երբ վերջինս վայրէջքի ժամանակ բոցավառվել է: Ուղղաթիռում այդ պահին 21 հոգի կար և 500 կգ-ի չափով շինանյութ:
Ինդոնեզիայի ԶՈւ ներկայացուցիչ Իսքանդար Սիտոմպուլը հայտնել է, որ ուղղաթիռի անկման պատճառը շարժիչում ի հայտ եկած տեխնիկական խնդիրներն են:
Նշենք, որ վիրավորները տարբեր կարգի այրվածքներ են ստացել: