Թուրքիան ընդունել է ՆԱՏՕ-ի և ԱՄՆ-ի ռազմածովային ուժերի ստորաբաժանումների ու ռազմանավերի մասնակցությամբ ծովային զորավարժությունը, որը կրում է «Արևելյան Միջերկրական ծով-2013» անվանումը։
Միջերկրական ծով
Միջերկրական ծովի արևելյան հատվածում անցկացվող զորավարժությունը մեկնարկել է նոյեմբերի 4-ին և շարունակվելու է մինչ նոյեմբերի 14-ը։
Զորավարժությանը ներգրավված են ՆԱՏՕ-ի, Թուրքիայի և ԱՄՆ-ի ռազմածովային ուժերի ֆրեգատներ, կորվետներ, այլ ռազմանավեր, ուղղաթիռներ, ինչպես նաև Թուրքիայի ռազմաօդային ուժերի ինքնաթիռներ։
Նշենք, որ Միջերկրական ծովի այս հատվածում է նաև Սիրիան, որտեղ արդեն 2 տարուց ավել քաղաքացիական պատերազմ է ընթանում, իսկ վերջին ամիսներին արևմտյան տերությունները խոսում են Սիրիային հնարավոր ռազմական հարված հասցնելու մասին։
Թուրքիայի զինված ուժերի գլխավոր շտաբի պաշտոնական կայքում զորավարժության վերաբերյալ հայտարարությունում նշված է, որ նրա նպատակն է «տարածաշրջանային ճգնաժամային իրավիճակներում մասնակից կողմերի միջև փոխհամագործակցության զարգացումն ու համատեղ աշխատելու հմտությունների կատարելագործումը»։