2013 թվականի հոկտեմբերի վերջին Բրազիլիայի պաշտպանության նախարարությունը սպառազինության է ընդունել IA-2 տեսակի նոր ինքնաձիգ։ Համալրման որոշումն ընդունվել է հոկտեմբերի 18-ին Բրազիլիայի զինված ուժերի գլխավոր շտաբի հատուկ նիստի ժամանակ։ Ինքնաձիգը ստեղծել է «ԻՄԲԵԼ» (IMBEL) ընկերությունը։ Այս մասին հայտնում է Forcas Terrestres պորտալը։
IA-2 տեսակի ինքնաձիգի մշակման աշխատանքները սկսվել են դեռ 2000-ական թվականներից՝ M16A2 և HK33 տեսակի ինքնաձիգերը և FN FAL տեսակի հրացանները փոխարինելու համար։ Զենքը մշակվել է երկու հիմնական փամփուշտների՝ ՆԱՏՕ-ի 5.56×45 և 7,62×51 տրամաչափը հաշվի առնելով։
Ինքնաձիգի վրա տեղադրված են Պիկատինիի շերտաձողեր՝ օպտիկական, կալիմատորային նշանոցների ու այլ սարքավորումների համար։
Կախված ինքնաձիգի տեսակից՝ զենքերն առանց փամփուշտի կարող են լինել 3.2 և 3.7 կգ։
5.56 մմ տրամաչափով զենքի երկարությունը 993մմ է, իսկ 7.62 մմ տրամաչափովինը՝ 740մմ։
Մի րոպեում կարող է արձակել մինչև 750 կրակոց, իսկ գնդակի սկզբնական արագությունը մինչև 900մ/վ է։
Բրազիլական նոր զենքի պահունակի տարողությունը 20 փամփոշտ է։
Հետաքրքիր է, որ IA-2-ի սպառազինության ընդունման պայմանագիրը կնքվել է 2013 թվականի հոկտեմբերի վերջին, սակայն զենքը զորքերին փոխանցվում է դեռևս 2012 թվականից։