Ամերիկյան ավիաշինական Boeing կոնցերնը հարավկորեական Korea Air ընկերության հետ պայմանագիր է կնքել, որը ենթադրում է MD 500 հետախուզական ուղղաթիռների ձևափոխում անօդաչու թռչող սարքերի։ Դրանք թերևս կիրառվեն Հյուսիսային Կորեայի սահմանին՝ հետախուզական նպատակներով։
Ինչպես հաղորդում է «Ջեյնս» ռազմական հանդեսը, ուղղաթիռների ձևափոխումն իրականացվելու է Հարավային Կորեայի ցամաքային զորքերի համար։
MD 500 հետախուզական ուղղաթիռներ
Նշենք, որ ծրագրվում է ձևափոխված տարբերակին օժտել H-6U Unmanned Little Bird ուղղաթիռատիպ հարվածային ԱԹՍ-ին հատուկ հատկանիշներով։
Դեռևս 2012-ի վերջին ձևափոխված փորձնական տարբերակը ցուցադրվել է հարավկորեացի զինվորականներին։ Այն կատարել է 25 րոպե փորձնական թռիչք Նոնսանի ամառային դպրոցի շուրջ։
Բաղ աղբյուրների տվյալներով՝ Հարավային Կորեայի ցամաքային զորքերին այժմ պատկանում է 175 միավոր MD 500 ուղղաթիռ, որոնցից 130-ը կիրառվում են հետախուզության, մյուսները՝ թեթև հարվածային ԱԹՍ-ների գործառույթներով։
Ընդամենը 45 հարվածային MD 500-ներն են փոխարինվելու նոր ամերիկյան AH-64E Apache ուղղաթիռներով։
Նախնական տվյալներով՝ Հարավային Կորեան մտադիր է անօդաչու թռչող սարքերն օգտագործել Հյուսիսային Կորեայի սահմանին։ Հետաքրքիր է այն հանգամանքը, որ Հյուսիսային Կորեան տարիներ շարունակ հետախուզություն է իրականացնում Հարավային Կորեայի հետ սահմանին MD 500D ու MD 500E ուղղաթիռներով, որոնք գնել է դեռևս 1980-ականների սկզբին։