Cabri G2 ուսումնական ուղղաթիռներ՝ Լեհաստանի ռազմաօդային ուժերին

Լեհաստանի ռազմաօդային ուժերը հոկտեմբերի 25-ին Դեբլինում սպառազինման են ընդունել առաջին երկու թեթև ուսումնական Cabri G2 ուղղաթիռները։ Այս ուղղաթիռներն օգտագործվելու են օդաչուներին պատրաստելու,
ինչպես նաև Մի-2 և ՍՎ-3 տեսակի ուղղաթիռների համար օդաչուների որակավորումը բարձրացնելու համար։ Այս մասին գրում է «Ջեյնս» ռազմական հանդեսը։
Cabri G2 ուղղաթիռներն արտադրում է ֆրանսիական «Guimbal Helicopteres» ընկերությունը։ Հենց այս ընկերությունն էլ Լեհաստանի գործընկեր «JB Investment» ընկերության հետ նոր թեթև ուղղաթիռների գնման հաղթող դարձան։
Համաձայն 2013 թվականի մարտի 5-ի պայմանագրի՝ 1.05 մլն ԱՄՆ դոլար արժողությամբ 2 միավոր Cabri G2 ուղղաթիռ, պահեստամասեր, սարքավորումներ են տրամադրվել Լեհաստանի Ռազմաօդային ուժերին։
Պայմանագիրը ներառում է նաև 2 հրահանգիչի և ինժեների վերապատրաստում։
G2 ուղղաթիռը մրցույթում միակ մասնակիցն էր։ Լեհերը պահանջվում էին, որ ուղղաթիռի տանող պտուտակը պտտվեր ժամացույցի սլաքի ուղղությամբ, քանի որ Լեհաստանի ՌՕՈւ ուղղաթիռները նման առանձնահատկություն ունեն։
Սա արդեն «JB Investment» ընկերության նմանատիպ երկրորդ պայմանագիրն է։ 2010 թվականին ընկերությունը Լեհաստանի ռազմաօդային ուժերի ակադեմիային է փոխանցել 3 միավոր «Diamond DA20» երկտեղ ուսումնամարտական ուղղաթիռ։
Cabri G2 ուղղաթիռը մշակել է Բրունո Գիմբալեն՝ Eurocopter ընկերության նախկին ինժեները։ Առաջին թռիչքն արել է 2005 թվականի մարտի 31-ին։
Ուղղաթիռի առավելագույն արագությունը 166կմ/ժ է, թռիչքի տևողությունը՝ 5.8 ժամ։