Հոկտեմբերի 25-ի գիշերը Ադրբեջանի Ղուբայի շրջանի Վլադիմիրովկա գյուղով անցնող ավտոճանապարհին ՃՏՊ է գրանցվել։ «Մերսեդես» մակնիշի ավտոմեքենան բախվել է ծառին, ինչի հետևանքով զինծառայող է վիրավորվել:
Ինչպես հաղորդում է ադրբեջանական Vesti.az կայքի շրջանային թղթակիցը, ավտոմեքենայի ղեկին եղել է Ղուբայի շրջանում տեղակայված զորամասերից մեկի զինծառայողը։ Նրան տեղափոխել են Ղուբայի շրջանային հիվանդանոց և վիրահատել։
Ըստ աղբյուրի՝ տուժածի վիճակը ծայրահեղ ծանր է։
Տուժածի անունը և այլ մանրամասներ չեն հայտնում։ Պաշտոնական հայտարարություններ միջադեպի վերաբերյալ դեռևս չկան։
Փաստի առնչությամբ ընթանում է հետաքննություն։