Սեյրան Օհանյանը գոհ է «Արձագանք-2013»-ի մարտավարական հատվածից

«Արձագանք-2013» զորավարժության ժամանակ Կառավարության անդամները ծանոթացան ցուցադրված ռազմական տեխնիկային, հրազենային միջոցներին, անօդաչու թռչող սարքերին:

«Ասպար Արմզ»-ի զենքերը ցուցադրության ժամանակ

Անցնելով բոլոր տաղավարների կողքով` ներկաներին հանգամանալից ներկայացվեց, թե ինչպես են աշխատում տեխնիկան, զենքերը:

Վարչապետը անոթանում է ԱԹՍ-ի աշխատանքին

Հատուկ ուշադրություն էր դարձվել հայակական արտադրանքին` նշանոցներ, վարժասարքեր, հրազենային միջոցներ, անօդաչու թռչող սարքեր և այլն:

Տիգրան Սարգսյանի ձեռքում AS-300 դիպուկահար է

Հայկական արտադրության վարժասարքերը «Արձագանք-2013»-ում

Ներկաներին հատկապես հետաքրքրեցին «Ասպար Արմս»-ի հայկական արտադրության զենքերը: Գրեթե բոլորը մոտեցան զենքերին, նայեցին ու քննարկեցին դրանց կարևորությունը զինված ուժերում:

Տիգրան Սարգսյանը ծանոթանում է հայկական արտադրության զենքերին

Հատուկ նշանակության ստորաբաժանումն էլ բացի վարժությունների ցուցադրումից, ներկայացրել էր նաև հարավաֆրիկյան 12.7×19 Truvelo.50, ֆրանսիական 8.6×70 մմ PGM 338, բրիտանական 8.6×70 մմ Al Arctic Warfare դիպուկահար հրացաններ:

Հայ կին պայմանագրայինը ֆրանսիական 8.6×70մմ PGM 338-ը տանում է կրակելու.

BMG-50 փամփուշտով աշխատող դիպուկահար

Ցուցադրությունից հետո Կառավարության անդամներին ներկայացվեց զորավարժության ակտիվ փուլի սցենարը:

Կառավարության անդամները ծանոթանում են ակտիվ փուլի սցենարին

Երրորդ բանակային կորպուսի հրամանատար Օնիկ Գասպարյանը հանգամանալից բացատրեց, թե ինչպես են ընթանալու մարտական գործողությունները:

Տեղեկացնենք, որ զորավարժության մարտական փուլին մասնակցում էր 1150 զինծառայող: Օգտագործվեց 12 միավոր Դ-20 և Դ-30 հաուբիցներ, 16 միավոր «Գրադ» ռեակտիվ հրետանային համալիրներ, 14 միավոր ականանետներ, 15 միավոր հակատանկային կայաններ և 101 միավոր ավտոմոբիլային տեխնիկա:

Կառավարության անդամները Արձագանք-2013 զորավարժության ժամանակ

Բոլորը զբաղեցրին իրենց տեղերն, ու լսվեց մարտական գործողությունները ղեկավարողի ձայնը` սկսեցինք:

Մի-24-ն արձակում է հրթիռներ

Սկսվեց թվացյալ պատերազմը: Երկնքում հայտնվեցին գրոհային Մի-24-ը, որից հետո շեշտակի հարվածներին միացան նաև գրոհիչ Սու-25-երը:

Տանկերը գրոհով առաջ են շարժվում. «Արձագանք-2013»

Սցենարի համաձայն` հայկական կողմը պայմանական հակառակորդի հարվածները կանխում էր կանխարգելիչ հարվածներով և անցնում է հարձակման` գրավելով հակառակորդի կարևոր բնագծերը:

Լրագրողներին հնարավորություն էր տրվել անմիջապես լինել հրամանտարաշտաբային ղեկավարման հատվածում, որտեղից պարզ լսվում ու երևում էին «պատերազմը» ղեկավարողներն ու նրանց ձայները: Ու երբ զինծառայողները լավ արդյունքներ էին ցուցաբերում, դրանց հետևում էին ծափահարությունները։

Ակտիվ փուլի դեսանտավորման ընթացքը

Նշենք, որ մարտական գործողություններին միացան նաև ԱԻՆ-ի մասնակիցները` ազատելով շինությունը պայմանական գրավումից, որից հետո կատարվեց հրդեհաշիջման գործողություն:

ԱԻՆ-ի աշխատակիցները գործելիս

Կարծես թե` վերջ, «պատերազմն» ավարտվեց: Հերթն աչքի ընկած զինծառայողներին պարգևատրելու արարողությանն էր: Հերթով քայլելով առաջին էին գալիս օդաչուները, տանկիստները, հատուկ նշանակության ջոկատայիններն ու բոլորը:

Պարգևատրման կանգնած զինծառայողները

Լրագրողների հետ զրույցում պաշտպանության նախարար Սեյրան Օհանյանը նշեց, որ այս զորավարժությունը հնարավորություն տվեց պրակտիկ ուսումնասիրել զինված ուժերի մարզումներին մասնակից ստորաբաժանումների հնարավորությունները, գործողությունները:

«Այս զորավարժությունը առանձնահատուկ էր նրանով, որ ցուցադրեցինք այն տեխնիկան, որը գոյություն ունի զինված ուժերում, ազգային անվտանգության ծառայությունում, ոտսիկանությունուն և ԱԻՆ-ում: Այն բարձրացրեց փոխգործակցության աստիճանը զինված ուժերի և մյուս համապատասխան ստորաբաժանումների միջև»:

Նախարարը նշեց նաև, որ զորավարժության մարտավարական հատվածից գոհ է, չնայած վերջնական որոշումը կկայացվի, երբ միջնորդները կհաշվարկեն խոցված թիրախները:

Զինծառայողներին շնորհվեցին մեդալներ, հուշագրեր ու նվերներ:

Օրն ավարտվեց հաղթանակով` հայկական կողմի զինծառայողների պատրաստվածության ու անձնվեր աշխատանքի շնորհիվ:

Հիշեցնենք, որ մարզումների նպատակներն են` առաջարկությունների նախապատրաստման հարցերով պետական կառավարման մարմիններին փորձի հաղորդումը ռազմաքաղաքական իրավիճակի գնահատման, իրավիճակի գնահատումից եզրակացությունների մշակման և ՀՀ ԶՈւ գերագույն գլխավոր հրամանատարի որոշման ընդունման ներկայացման համար, ռազմաքաղաքական իրավիճակի սրման պայմաններում պետական և ռազմական կառավարման մարմինների աշխատանքի ներդաշնակվածության մակարդակի բարձրացումը, պետական կառավարման համակարգում նոր արդյունավետ միջոցների ներդնումը: