Այսօր՝ հոկտեմբերի 1-ին, հայտնի է դարձել, որ Սումգայիթ քաղաքում Ադրբեջանի ԶՈւ զինծառայող է սպանվել։
Սումգայիթի ոստիկանության շրջանային բաժանմունքից տեղեկացրել են, որ սեպտեմբերի 19-ին Ադրբեջանի ՊՆ զորամասերից մեկում ծառայություն անցնող Թուրալ Վագըֆ օղլու Աբդուլաևը ծեծի է ենթարկվել ոմն Էլվին Մանսուրովի և Վասիֆ Հասանովի կողմից Սումգայիթ քաղաքի տարածքում՝ Բաքու-Ղուբա ճանապարհի վրա։
Աբդուլաևին ծանր վնասվածքներով տարել են ՊՆ հոսպիտալ, որտեղ էլ զինծառայողն այսօր մահացել է։
Մանսուրովը և Հասանովը ձերբակալված են։
Հայտնի է նաև, որ Աբդուլաևը զորակոչվել է Գեդաբեկի շրջանից։ Այլ մանրամասներ չեն հաղորդվում։
Ինչպես տեսնում ենք, ադրբեջանական կայքերը և ուժային կառույցները զինված ուժերում ծեծի դեպքերի ու դրանց հետևանքով լուրջ վնասվածքներ ստացած զինծառայողների վերաբերյալ տեղեկությունները հաղորդում են միայն այն դեպքում, երբ տուժածը մահանում է։