Կիևում անցկացվող «Զենք ու անվտանգություն-2013» ցուցահանդեսի ժամանակ «Լենինսկայա կուզնիցա» ուկրաինական ընկերությունը ներկայացրել է ՈւԱԳ-40 ամտոմատ նռնականետը։Նռնականետը պատրաստվել է ՆԱՏՕ-ի ստանդարտներին համապատասխան։ Այն նախատեսված է հակառակորդի կենդանի ուժի ու կրակային միջոցների ոչնչացման համար՝ այդ թվում խրամատներում ու բնական թաքստոցներում, ինչպես նաև թեթև զրահավորված տեխնիկայի խոցման համար։
Ուկրաինական ՈւԱԳ-40 նոր ավտոմատ նռնականետը
Նոր նռնականետի կրակի առավելագույն հեռավորությունը 2200 մետր է, նշանառու կրակինը՝ 1500 մետր։ Այն ամրացվում է եռոտանի հաստոցին կամ տեղադրվում է մարտական մեքենաների վրա։ Զենքի երկարությունը 960 մմ է, քաշը՝ շուրջ 40 կգ, նռնակի քաշը՝ մոտ 17 կգ։ Նռնականետը կարող է կրակ վարել ՆԱՏՕ-ի բոլոր ստանդարտ նռնակներով։
Զենքից կրակը վարվում է ինչպես մենահատ, այնպես էլ կրակահերթով։ Կրակահերթի տեմպը րոպեում 400 կրակոց է։