Թուրքիայի ԶՈւ զինծառայողներ են ձերբակալվել՝ պարենային ծառայությունում խարդախության գործով

Սեպտեմբերի 19-ի ուշ երեկոյան իրավապահ մարմինների իրականացրած գործողության արդյունքում 17 զինծառայող է ձերբակալվել, որոնք անցնում են զինված ուժերի պարենային ծառայությունում խարդախության գործով։

Ձերբակալություններն ուղեկցվել են խուզարկություններով և փաստաթղթերի, համակագրիչների ու տարբեր իրերի առգրավումներով։

Թուրքիայի ԳՇՊ Նեջդեթ Օզելը բանակային սնունդ ընդունելիս

Ընդհանուր առմամբ, ձերբակալվել է 51 մարդ. զինվորականների գործով զբաղվում է զինվորական դատախազությունը, իսկ քաղաքացիական անձանց գործով՝ Ստամբուլի ապրանքների հետ կապված հանցագործությունների գծով վարչությունը։

Գործողության վերաբերյալ այլ տեղեկություններ դեռ չեն հաղորդվում։  Հայտնի չեն ձերբակալված զինծառայողների անձնական տվյալները։

Հայտնի է միայն, որ գործի քննությունը սկսվել էր դեռևս մայիս ամսին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *