Նիգերիայի ռազմաօդային ուժերը նորից շարք է վերադարձրել նախկինում դուրս գրած 6 ուսումնամարտական Alpha Jet և մեկ բեռնատար C-130H ինքնաթիռներ։ Մինչև նորից շարք վերադարձնելը տեխնիկան վերանորոգման փուլ է անցել։
Ինքնաթիռների վերընդունման արարողությունն անցկացվել է Աբուջի օդանավակայանում, որին ներկա է եղել Նիգերիայի ղեկավարությունը։
Ներկայումս Նիգերիայում զգալի ավելացրել են սպառազինության նկատմամբ ուշադրությունը։ Մասնագետները տեղում վերանորոգում, արդիականացնում են զինտեխնիկան՝ առանց արտասահմանյան մասնագետների օգնության։
Այս պահին վերանորոգման փուլում են ևս 3 Alpha Jet ինքնաթիռ, ինչպես նաև MB-339 ուսումնական ինքնաթիռների արդիականացման պայմանագիր է կնքվել։
Ներկայում նիգերական զինանոցում ուղղաթիռների և ինքնաթիռների քանակի և մարտունակության վերաբերյալ որևէ հավաստի թիվ հնարավոր չէ նշել, քանի որ դրանցից մեծ մասն արդեն սպառել է իրեն, իսկ մյուս մասն էլ համարվում է դուրս գրված զինված ուժերից։
Բացի այդ, նույն Alpha Jet ինքնաթիռները վերջերս Մալիի հյուսիսում մասնակցել են ռազմական գործողություններին՝ աջակցելով կառավարական զորքերին դուրս մղել «ալ Կաիդայի» գրոհայիններին։