Ադրբեջանական կողմը կրակել է Ներքին Կարմիրաղբյուր գյուղի վրա

Այսօր լուրեր տարածվեց, որ հակառակորդը կրակել է սահմանամերձ Ներքին Կարմիրաղբյուր գյուղի վրա։ Ռազմինֆոն կապվեց գյուղի գյուղապետ Մանվել Կամենդատյանի հետ։ Վերջինս հաստատեց տեղեկությունը, նշելով. «Երեկ երեկոյան 17։30-18։30-ի սահմաններում կրակեցին։ Բացի այն, որ բեռնատար մեքենային կպավ, գնդակներից վնասվել է նաև գյուղի դպրոցի պատուհանը»,- նշեց գյուղապետ Մանվել Կամենդատյանը։

Ներքին Կարմիրաղբյուրի դպրոցը գտնվում է ադրբեջանական դիրքերի տեսանելիության գոտում

Նույն գյուղի բնակիչ Հայկազ Վարդանյանն էլ նշեց, որ հատկապես վտանգավոր է գյուղի կենտրոնը։ «Անընդհատ էլ կրակում են էլի ԴՇԿ-ով»- նշեց Վարդանյանը։

Նշենք, որ Երեկ՝ սեպտեմբերի 4-ին՝ վաղ առավոտից, ադրբեջանական կողմից շարունակաբար խախտվում էր հրադադարի ռեժիմը Մովսես ու Այգեպար գյուղերի ուղղությամբ։ Կեսօրին մոտ կրակն ավելի ինտենսիվ է դարձել, վնասվել է մեկ քաղաքացիական մեքենա, և հայկական կողմը հարկադրվածն է եղել պատասխան կրակով լռեցնել ադրբեջանցիներին։ Սահմանում լարվածության ողջ պատասխանատվությունն ադրբեջանական կողմի վրա է։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *