Օգոստոսի 28-ին, ժամը 12.25-ին, ոստիկանության Մուշի բաժնում հաղորդում է ստացվել, որ «Մուշ-2» թաղամասի 10/5 հասցեում գտնվող նորակառույց ֆուտբոլի ակադեմիայի շինհրապարակում հողի հարթեցման աշխատանքներ կատարելիս արկ է հայտնաբերվել:
Մեկնած օպերատիվ խումբը նշված վայրում հայտնաբերել է 120 մմ տրամաչափի տանկի արկ` առանց պայթուցիչի:
Հայտնաբերվածն ուղարկվել է փորձաքննության: Կատարվում է հետաքննություն:
***
Օգոստոսի 28-ին, ժամը 16.30-ին, ոստիկանության Վաղարշապատի բաժին է ահազանգել անհայտ քաղաքացի և հայտնել, որ զենք-զինամթերք է թողնում Էջմիածին-Ոսկեհատ ճանապարհին՝ կամրջի մոտ:
Մեկնած օպերատիվ խումբը հայտնաբերել է 16 մմ տրամաչափի որսորդական հրացան, ինքնաձիգ-ատրճանակ` փամփշտակալով, «ՌԳԴ-5», «Ջ-1» և «Ֆ-1» տիպի 12 նռնակ` առանց պայթուցիչների, նռնակի 6 պայթուցիչ, 7.62 մմ տրամաչափի «Կարաբինի» 742, 5.45 մմ տրամաչափի 1.858, 7.62 մմ տրամաչափի ինքնաձիգի 573 փամփուշտ, ծխարձակիչ 3 գլանակ, ծխային նռնակ, ինքնաձիգի 7 պահունակ, ինքնաձիգի պահունակի 3 սանր, «Մակարով» ատրճանակի պահունակ և ինքնաձիգի 2 խլացուցիչ:
Հայտնաբերվածն ուղարկվել է փորձաքննության:
Կատարվում է հետաքննություն:
***
Օգոստոսի 28-ին՝ժամը 10։50-ին, անհայտ քաղաքացուց ոստիկանության Մասիսի բաժնում ահազանգ է ստացվել, որ Այնթապ գյուղի նոր գերեզմանատուն տանող կամրջի տակ զենք-զինամթերք է թողել:
Մեկնած օպերատիվ խումբը հայտնաբերել է գործարանային արտադրության «ՏՕԶ-8» տիպի հրացան, 7.62 մմ տրամաչափի` 106, 5.45 մմ տրամաչափի` 40, 10.4 մմ տրամաչափի` 12, 12.4 մմ տրամաչափի 1 փամփուշտ, «ՌԳԴ» տիպի նռնակ` առանց պայթուցիչի, և նռնակի 1 պայթուցիչ:
Հայտնաբերվածն ուղարկվել է փորձաքննության: Կատարվում է հետաքննություն, տեղեկացնում են ՀՀ ոստիկանությունից։