Բելառուսի զինված ուժերը դադարեցրել էՍու-27 կործանիչների շահագործումը, սակայն ինքնաթիռները դեռևս գտնվում են սպառազինության մեջ։ Այս մասին լրագրողներին հայտնել է Բելառուսի պաշտպանության նախարար Յուրի Ժադոբինը։
«Ռուսական վիտյազները» ավիացիոն խմբի Սու-27 կործանիչը
Ըստ նախարարի՝ դեռևս հայտնի չէ, թե ինչպես են վարվելու այդ ինքնաթիռների հետ։ Հնարավոր է՝ դրանք կամ վաճառվեն, կամ արդիականացվեն, կամ էլ ամբողջովին վերանորոգվեն։
Ավելի վաղ Բելառուսը սպառազինությունից հանել է Սու-24, իսկ այժմ բելառուսական ավիացիայում շահագործվում են Սու-25 և ՄիԳ-29, ինչպես նաև Իլ-76 և ԱՆ-26 բեռնատար ինքնաթիռները։
Նշենք, որ Սու-27-ը 4-րդ սերնդի կործանիչ է, ինքնաթիռի առաջին նախատիպը առաջին անգամ թռիչք է կատարել 1977 թվականին։ Այժմ Սու-27-ը ՌԴ զինված ուժերում համարվում է հիմնական ինքնաթիռներից մեկը, իսկ Սու-27-ի արդիականացված տարբերակներ կան ԱՊՀ երկրների, Հնդկաստանի և Չինաստանի զինված ուժերում։