Ռազմինֆոն արդեն տեղեկացրել էր, որ Սյունիքի մարզում տեղակայված զորամասերից մեկի հենակետում հակառակորդի արձակած կրակից ՀՀ ԶՈւ զինծառայող էր զոհվել, մեկը՝ վիրավորել։
Պն մամուլի ծառայությունը պաշտոնական հաղորդագրություն է տարածել, որով հաստատել է, որ նման միջադեպ եղել է։
«Օգոստոսի 23-ին, ժամը 11:00-ից 11:30-ի սահմաններում ՀՀ ՊՆ N զորամասի մարտական հենակետերից մեկում հրազենային մարմնական վնասվածքներով հայտնաբերվել են նույն զորամասի ժամկետային զինծառայողներ, շարքայիններ Նորայր Արարատի Պետրոսյանը և Արթուր Գառնիկի Ասոյանը:
Վերջիններս տեղափոխվել են Ագարակի բժշկական կենտրոն, որտեղ ստացած մարմնական վնասվածքներից Նորայր Պետրոսյանը մահացել է: Արթուր Ասոյանի կյանքին վտանգ չի սպառնում:
Դեպքի մանրամասները ճշտելու կապակցությամբ ՀՀ ՊՆ քննչական ծառայության կողմից կատարվում են անհետաձգելի քննչական գործողություններ»,-նշված է ՊՆ տարածած հաղորդագրությունում։