Ռուսական արտադրության «Վոլկ» (ВПК 3927 Волк) ուժեղացված պաշտպանությամբ ավտոմեքենան պետական փորձարկումներ է անցնում:
Ներկայում փորձարկվում է մեքենայի զրահը, զրահապատ ապակիները և ականներից նրա պաշտպանությունը։
Փորձարկումները նախատեսվում է ավարտել 2014 թվականի վերջին, որից հետո հնարավոր է՝ այն հանձնվի Ռուսաստանի զինված ուժերին։
Վոլկ
«Վոլկ» (թարգմանաբար՝ «գայլ») ուժեղացված պաշտպանության մեքենան մշակել է «Արզամասկի մեքենաշինական գործարանը» (АМЗ)։ Ավտոմեքենայի փորձնական օրինակներին արդեն ծանոթացել է նաև ՌԴ պաշտպանության նախարար Սերգեյ Շոյգուն։
Ավտոմեքենան ունի պաշտպանված և ոչ պաշտպանված բեռնախցիկով, ինչպես նաև 4X4 և 6X6 տարբերակներ։
Այն կարող է զարգացնել մինչև 120 կմ/ժ արագություն, աշխատում է դիզելային շարժիչով։ Կարող է տեղափոխվել 8-18 զինծառայող։ Քաշը՝ կախված տարբերակներից, տատանվում է 7,5-ից 11 տոննա։