AM General և Lockheed Martin ընկերություններն ԱՄՆ-ին 14-ամսյա փորձարկումների համար տրամադրել են JLTV թեթև մարտավարական մեքենայի փորձարարական նմուշները։
Փորձարկումները կայանալու են Արիզոնայի նահանգի Յումա և Մերիլենդի Աբերդինի փորձարարական կենտրոններում։
Վերոհիշյալ 2 ընկերություններն էլ 22-ական փորձարարական նմուշ։ Համապատասխան պայմանագրերը կնքվել են ԱՄՆ ԶՈւ հետ 2012-ի օգոստոսին։
Ընդ որում, AM General-ի ու Lockheed Martin–ի հետ 24-ամսյա պայմանագրերը գնահատվում են 64,5 ու 65 մլն դոլար։
AM General-ի գործադիր փոխտնօրեն Ջոն Ուլրիխը հայտարարել է, որ BRV-O փորձարարական մեքենաները լիովին բավարարելու են ԱՄՆ ԶՈւ զինծառայողների պահանջները որպես մարտական ռազմավարական արդիական մեքենաներ։
Հիշեցնենք, որ AM General–ն արտադրում է իր BRV-O մեքենաները 2 տարբերակով, այդ թվում՝ 4 հոգու համար նախատեսված տարբերակը։
Lockheed Martin–ի կողմից թողարկվող JLTV մարտական մեքենան էլ իր հերթին արդյունավետ է վառելիքի խնայողության տեսանկյունից։
Հավելենք, որ ԱՄՆ-ն պայմանագրի ու դրա շրջանակներում իրագործվող փորձարկումների միջոցով փորձում է հասնել նրան, որ ծովային հետևակի ու ցամաքային ուժերի շահագործման ներքո գտնվող բազմաթիրախային մեքենաները, որոնք ավելի քան 25 տարի կիրառվում են, փոխարինվել նոր, արդիականացված նմուշներով։