Թուրքիան, Աֆղանստանն ու Պակիստանը համատեղ զորավարժություն են անցկացնում, որին մասնակցում են այդ երկրների հատուկ նշանակության ջոկատները։
Եռակողմ վարժանքները մեկնարկել են օգոստոսի 19-ին և շարունակվելու են մինչ օգոստոսի 28-ը։
Զորավարժությունն անցկացվում է Թուրքիայի հարավ-արևմուտքում գտնվող Էղիրդիր շրջանի ռազմական ուսումնական կենտրոնում։
Ըստ Թուրքիայի զինված ուժերի գլխավոր շտաբի հայտարարության՝ համատեղ զորավարժությունները նպատակ ունեն զարգացնել Թուրքիայի, Պակիստանի և Աֆղանստանի զինված ուժերի հատուկ ջոկատների փոխհամագործակցությունը, ինչպես նաև փորձի և գիտելիքի փոխանակում կատարել։
2012 թվականին Անկարայում Թուրքիան, Աֆղանստանն ու Պակիստանը կրկին համատեղ զորավարժություններ են անցկացրել, որին մասնակցել են զինված ուժերի հատուկ նշանակության ջոկատները։
Նշենք, որ Թուրքիայի զինված ուժերն Աֆղանստանում ISAF-ի կազմում ունի 1261 զինծառայող։ Թուրք զինծառայողներն Աֆղանստանում զբաղվում են նաև աֆղան զինծառայողների ուսուցմամբ։