Օգոստոսի 17-ին մերձմոսկովյան Ալաբինոյի զորավարժարանում կկայանան տանկային բիաթլոնի վճռորոշ մրցումները, որով էլ կորոշվի հաղթող երկիրը։ Տանկային բիաթլոնում լավագույնին կփորձեն պարզել Հայաստանի, Ռուսաստանի, Բելառուսի և Ղազախստանի տանկիստները։
Օգոստոսի 12-ին սկսված մրցումների առաջին փուլում միմյանց հետ մրցել են Ռուսաստանի ռազմական օկրուգների տանկիստները։
Օգոստոսի 15-ին ռուսական համանաբանակային մրցման հաղթող է ճանաչվել Արևմտյան ռազմական օկրուգի թիմը, երկրորդ տեղում է Հարավային ռազմական օկրուգի պատվիրակությունը։
Հաղթողներից էլ ձևավորվել է ՌԴ թիմը, որը վաղը մրցելու է ՀՀ-ի, Բելառուսի և Ղազախստանի զինված ուժերի ներկայացուցիչների հետ։
Նշենք, որ տանկային բիաթլոնին մասնակցող երկրների պատվիրակությունները մրցում են Տ-72Բ տանկերով հավասար պայմաններում։
Կազմակերպող կողմն ընտրել է հենց այս տեսակի տանկերը, քանի որ դրանցից իրենց սպառազինությունում ունեն բոլոր մասնակից երկրները։
ՌԴ հաջորդ տարի կայանալիք տանկային բիաթլոնին հրավիրել է ԱՄՆ-ին, Իտալիային և Գերմանիային։
Հիշեցնենք, որ ռուսական բանակում հաճախ կազմակերպվող տանկային բիաթլոն ուսումնական վարժանքը ենթադրում է զանազան խաչընդոտների հաղթահարում և տարբեր զինամթերքներով 0,9-2,2 կմ հեռավորության վրա 3 տարբեր թիրախների խոցում։ Ամեն մի վրիպման դեպքում անձնակազմը տանկով պետք է տուգանային շրջան կատարի՝ 0,5 կմ երկարությամբ։ Հաճախ այս կանոնները որոշակի փոփոխությունների են ենթարկվում։
Այս տարվա տանկային բիաթլոնը նվիրված է Պրոխորովկայի տանկային ճակատամարտի 60-ամյակին։
Տեսանյութը՝ «Զվեզդա» հեռուստաընկերության։ Կադրերում մրցումներից դրվագներ են։
<iframe width=”460″ height=”345″ src=”//www.youtube.com/embed/v1yViYiQ2Bw” frameborder=”0″ allowfullscreen></iframe>