Ինդոնեզիան Ռուսաստանից գնել է ևս վեց «Սու-30ՄԿ2» կործանիչ

Համաձայն «Ինտերֆաքս-ԱՎՆ» գործակալության՝ Ռուսաստանի Ինդոնեզիայի հետ կնքած վեց «Սու-30ՄԿ2» կործանիչների առաքման պայմանագիրը գնահատվում է 470 մլն դոլար:
Ինչպես նախկինում հայտնում էին, վեց «Սու-30ՄԿ2» կործանիչներն Ինդոնեզիային վաճառելու պայմանագիրը կնքվել է 2011 թվականի դեկտեմբերի վերջին օրերին, որը կարժենա մոտավորապես 500 մլն դոլար:
Հիշեցնենք, որ 2003 թվականի ապրիլին պայմանագիր էր ստորագրվել Ինդոնեզիային երկու «Սու-30ՄԿ2» կործանիչի, ինչպես նաև «Մի-35» հարվածային երկու ուղղաթիռի վաճառքի մասին, որոնց ընդհանուր գումարը 192,9 մլն դոլար էր կազմել: Այդ գումարից 108 մլն դոլարը վճարվել է երկկողմանի գնումների ժամանակ (արմավենու յուղ):
Այդ պայմանագրի համաձայն ավիատեխնիկայի առաքումն ավարտվել է 2003 թվականի սեպտեմբերին:
«ՄԱԿՍ-2007» ավիասալոնի աշխատանքի ընթացքում արձանագրություն է ստորագրվել ՝ համաձայն որի ուժի մեջ է մտել Ինդոնեզիային երեք «Սու-27ՄԿ» և «Սու-30ՄԿ2» կործանիչների առաքման պայմանագիրը: Այն Ռուսաստանի և Ինդոնեզիայի միջև կնքված ամենամեծ պայմանագիրն է եղել, որն արժեցել է մոտավորապես 336 մլն դոլար:
Ըստ այդ պայամանագրի՝ «Սու-30ՄԿ2» երեք կործանիչն առաքվել է Ինդոնեզիայի ՌՕՈւ 2008-2009 թվականներին, իսկ «Սու-27ԿՄ» երեք կործանիչը՝ 2010 թվականի սեպտեմբերին:
Ներկա պահին Ինդոնեզիայի ՌՕՈւ-ում կա «Սուխոյ» ընկերության տասը կործանիչ՝ հինգ «Սու-27ԿՄ» և հինգ «Սու-30ՄԿ2», որոնք մտել են Սուլավեսի կղզում տեղակայված «Հասանուդդին սուլթան» ավիաբազայի տասնմեկերորդ էսկադրիլիայի կազմի մեջ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *