Օգոստոսի 10-ին Ադրբեջանի պաշտպանության նախարար Սաֆար Աբիևն ընդունել է Հարավային Կորեայի պաշտպանության նախարարի տեղակալ Բաեք Սեունգ Իյունին:
Համաձայն Ադրբեջանի պաշտպանության նախարարության պաշտոնական կայքի՝ Սաֆար Աբիևը երկկողմ հանդիպման ընթացքում շեշտել է երկու երկրների միջև ռազմական համագործակցության ամրապնդման հանգամանքը՝ պատրաստակամություն հայտնելով հետագա խորացման համար հուշագիր ստորագրել:
Հանդիպմանը ներկա էր նաև Ադրբեջանում Հարավային Կորեայի դեսպան Չոի Սուք Ինը:
Ըստ հարավկորեական Yonhap լրատվական գործակալության տվյալների՝ Հարավային Կորեայի պաշտպանության նախարարի տեղակալն իր երկօրյա այցի շրջանակներում հանդիպում կունենա նաև Ադրբեջանի ռազմաօդային ուժերի հրամանատար Ալթայ Մեհդիևի հետ, կքննարկի ռազմարդյունաբերության բնագավառում համագործակցության հարցերը: Համաձայն նույն աղբյուրի՝ համապատասխան հուշագրի ստորագրումը հավանական է: