ԱՄՆ-ում որոշել են հրաժարվել «Մայամի» միջուկային սուզանավի վերականգնման աշխատանքներից, որի արժեքը գնահատվել է շուրջ 450 միլիոն ամերիկյան դոլար։
2012 թվականին սուզանավը հրդեհել էր նավահանգստում աշխատող ներկարարը։ Մայիսի 23-ին նավահանգստում քաղաքացիական աշխատող Քեյսի Ֆուրին որոշել էր ժամանակից շուտ լքել աշխատանքի վայրը։
Անուշադրությունից և բարձիթողությունից առաջացած ուժեղ հրդեհը հաջողվել էր մարել միայն 12 ժամից։ Ֆուրին դատապարտվել էր 17 տարվա ազատազրկման և 400 մլն դոլարի տուգանքի։
Սուզանավի վերականորոգման համար արդեն ծախսվել է 93 մլն դոլար, սակայն հետագա աշխատանքները գնահատվել են շուրջ 450 մլն դոլար, ինչն էլ ստիպել է զինվորական հրամանատարությանը հրաժարվել այն վերականգնելու մտքից։ Որոշվել է «Մայամի» սուզանավը վերջնականապես հանել շարքից և որպես մետաղական ջարդոն հանձնել։
Ներկայում Միացյալ Նահանգների նավատորմում կա «Լոս Անջելես» դասի 41 միջուկային սուզանավ։ Այս դասին էր պատկանում նաև «Մայամի» սուզանավը։