ԱՄՆ պաշտպանության նախարար Լեոն Պանետտան հայտարարել է, որ Իրանը ներկա պահին ատոմային զենք արտադրելու գործընթաց չի վարում: Նախարարը նման հայտարարություն է արել CBS հեռուստաընկերության Face the Nation հաղորդման ժամանակ: Associated Press-ի հաղորդմամբ՝ հաղորդումը ձայնագրվել է հունվարի 6-ին:
Պանետտայի խոսքերով, Թեհրանը դեռևս մտադրված է ատոմային ոլորտում որոշակի հնարավորություններ ստեղծել: Նախարարն ընդգծել է, որ Վաշինգտոնի համար անընդունելի է Թեհրանի կողմից սեփական ատոմային ռումբի ստեղծումը:
Պանետտան հայտարարել է, որ ԱՄՆ-ն Իրանի հանդեպ կարող է դիմել ցանկացած զսպող միջոցի, իսկ ներկա պահին նման միջոց են դիտվում դիվանագիտական և տնտեսական ճնշումները:
Associated Press-ին հղում կատարելով հայտարարությանն անդրադարձել է նաև usatoday.com-ը: