Թուրքիայի պաշտպանության նախարար Իմսեթ Յըլմազը տվյալներ է հաղորդել վերջին 10 տարիներին ռազմական շարասյունների վրա հարձակման և ականների պայթյունների պատճառով երկրի զինված ուժերի կորուստների վերաբերյալ։
Ըստ թուրք նախարարի՝ 2002 թվականի հունվարից 1-ից 2012 թվականի դեկտեմբերի 31-ը ընկած ժամանակահատվածում զինվորական շարասյունների վրա հարձակման և ականների պայթյունների հետևանքով թուրքական բանակի 138 զինծառայող է մահացել, 501-ը՝ տարբեր աստիճանի վնասվածք ստացել։
Թուրքիայի ԶՈւ
Իսմեթ Յըլմազն այս տվյալները հրապարակել է Թուրքիայի Ազգային մեծ ժողովի պատգամավորների հարցմանն ի պատասխան։
Նշենք, որ վերջին տարիներին Թուրքիայի զինված ուժերը մարտեր է մղել հիմնականում «Քրդստանի աշխատավորական կուսակցության» (PKK) անդամների դեմ։ Եվ շարասյունների վրա հարձակումների և ականապատման հիմնական հեղինակները հենց PKK-ականներն են։
Հավելենք նաև, որ մայիսի 8-ին երկար բանակցություններից հետո Թուրքիայի և PKK-ի միջև հրադադար էր հաստատվել, և քրդական կազմակերպության անդամները սկսել են լքել այդ երկրի տարածքը։