Ռուսաստանյան 955 «Բորեյ» նախագծի մարտավարական նշանակության «Ալեքսանդր Նևսկի» ատոմային հրթիռային ստորջրյա հածանավն ընթացիկ տարվա սեպտեմբերի երկրորդ կեսին կիրականացնի բալիստիկ մեկ միավոր միջմայրցամաքային «Բուլավա» հրթիռի արձակումը։
Ընդ որում, «Բուլավա»-ով պրակտիկ աշխատանքները կիրականացվեն ստորջրյա դիրքից։
Ըստ ՌԴ ՌԾՈւ ներկայացուցչի հաղորդած տեղեկությունների՝ հրթիռի արձակումը հանդիսանում է «Ալեքսանդր Նևսկի» ստորջրյա հածանավի պետական փորձարկումների ավարտական փուլը։ Արձակումը կատարվելու է ԳՇ-ի հրամանով՝ հրթիռների մարտական կառավարման կայանի նոր ավտոմատացված համակարգով։ Եթե հածանավը բարեհաջող ավարտի փորձարկումը, ապա մոտ սեպտեմբերի 15-ին կվերադառնա «Սևմաշ», կանցնի վերստուգում, ինչից հետո էլ ՌԴ ռազմածովային ուժերի հրամանատարությունը կստորագրի նավի ընդունման վավերագիր։
Համաձայն զինվորականների՝ փորձարկման կարևորությունն այն է, որ այն ոչ թե փորձարարական, այլ հրթիռային ուսումնամարտական արձակում է կատարելու։
Հիշեցնենք, որ դեռևս հուլիսի 8-ին ՌԴ պատկան մարմինները հայտնել էին, որ «Ալեքսանդր Նևսկի» ստորջրյա հածանավը կարձակի ոչ թե մեկ, այլ 2 Ռ-30 հրթիռ։
Հավելենք, որ Ռ-30 «Բուլավա» հրթիռներն ունակ են խոցել մինչև 8 հազար կմ հեռավորության թիրախներ։