Թուրքիայի զինված ուժերի նավատորմում հրամանատարը սեռական ոտնձգություններ է կատարել իրեն ենթակա զինծառայողների նկատմամբ։
Դեպքի առնչությամբ քրեական գործ է հարուցվել, իսկ մեղադրյալը կալանավորվել է։
Թուրքիայի ծովային ուժերի ավագ սերժանտը, որի անվան միայն առաջին տառերն են հրապարակվում՝ Վ.Ա., մեղադրվում է իր ենթակաների նկատմամբ սեռական ոտնձգություն կատարելու համար։
Թուրքիայի ծովային ուժերի ռազմանավ
Նրա դեմ բողոք են ներկայացրել թվով 10 զինծառայողներ։ Թուրքական Son TV հեռուստաընկերության տվյալներով՝ դեպքը եղել է դեռևս 2012 թվականի դեկտեմբերին, սակայն հետաքննության ընթացքում այդ մասին չի բարձրաձայնվել։
Ավագ սերժանտը սեռական ոտնձգություններ է կատարել, երբ թուրքական ռազմանավը, որի վրա էլ նրանք կրել են ծառայությունը, պարեկություն է կատարել Սև ծովում։
Սպասվում է, որ դատավարությունը կսկսվի առաջիկա օրերին։