Չինաստանն ու Վենեսուելան պայմանագիր են կնքել, որով չինական Norinco ընկերությունը զրահամեքենաներ է մատակարարելու Կարակասին։
Չինական ընկերությունը Վենեսուելային է փոխանցելու թեթև զրահով Norinco VN4 մեքենաները։
Պայմանագրով նախատեսվում է ձեռք բերել այս տիպի 114 միավոր զրահամեքենա, տեղեկացնում է «Ջեյնս» շաբաթաթերթը։
VN4 NORINCO
Նույն աղբյուրը նաև հավելում է, որ սա Norinco ընկերության VN4 զրահամեքենաների արտահանման առաջին փորձն է։
Պայմանագրի կատարման ժամկետների և արժեքի մասին տեղեկություններ չեն հաղորդվում։
Նշենք, որ Վենեսուելայի զինված ուժերում ներկայում հիմնականում խորհրդային և ռուսական արտադրության զրահատեխնիկա է։
4X4 VNK բազմաթիրախային զրահամեքենաները կարող են տեղափոխել մինչև 8 զինծառայող։ Անձնակազմը 2 մարդ է։ Կշռում է շուրջ 9 տոննա։ Ունի 12,7 մմ գնդացիր և ամրացված նռնականետեր։ Առավելագույն արագությունը 115 կմ/ժ է, կարող է առանց լիցքավորման անցնել շուրջ 700 կմ։
Չինաստանի զինված ուժերի սպառազինության մեջ է մտել 2010 թվականին։