Ռուսաստանն ու Բելառուսը 2013 թվականի սեպտեմբերի 20-26-ը մեծամասշտաբ զորավարժություն կիրականացնեն։ «Մոտ 13 հազար զինծառայող կմասնակցի սեպտեմբերի 20-26 պլանավորված «Արևմուտք-2013» զորավարժությանը»։ Այս մասին տեղեկացնում է ՌԴ ԳՇ օպերատիվ պատրաստության նեկայացուցիչ, գնդապետ Վյաչեսլավ Ուսիկը։
Զորավարժությանը ՌԴ ԶՈւ-ից կմասնակցի 2.5 հազար, իսկ Բելառուսից՝ 10.4 հազար մարդ։ Այս մասին հուլիսի 19-ին, ՌԴ Պն Հանրային խորհրդի նիստում, ասել է գնդապետը ։ Ըստ Ուսիկի՝ միջոցառմանը կմասնակցեն մոտ 60 ուղղաթիռ և ինքնաթիռ, ինչպես նաև 250 միավոր ռազմական տեխնիկա։ Ուսումնավարժությունը անցկացվելու է երկու փուլով Բելառուսի, ՌԴ Արևելյան օկրուգի, ինչպես նաև Բարենցի և Բալթիկ ծովի ջրային տարածքներում։
Վյաչիսլավ Ուսիկի փոխանցմամբ՝ զորավարժությանը դեռևս պլանավորված չէ հրավիրել ՆԱՏՕ ներկայացուցիչներին։
Նշենք, որ այս զորավարժության լուրը դեռևս այս տարվա փետրվար ամսին մտահոգություն է առաջացրել Բելառուսի հարևան պետություններում, մասնավորապես, Լիտվայում։ Լիտվայի ՊՆ-ն հաստատել էր, որ, որպես ԵԱՀԿ անդամ հենց այդտեղից էլ տեղեկացել է պլանավորված զորավարժության մասին։ Սակայն կոչ էր արել երկու պետություններին բացել զորավարժության մասին փակագծերը և միջոցառմանը հրավիրել ՆԱՏՕ-ի դիտորդների։
Նշվում է, որ այս միջոցառումը նման է լինելու «Արևելք 2009» զորավարժությանը, որին մասնակցել է ավելի քան 12 հազար զինծառայող։ Ինչպես տեղեկացնում է բելառուսական կայքերից մեկը՝ նախորդ զորավարժության սցենարում նախատեսված է եղել հարձակում Բալթյան երկրների և նախազգուշական ատոմային հարված Վարշավայի վրա։