Ատոմային «Կազան» սուզանավը համալրել է ՌԴ ՌԾՈւ–ն

Մայիսի 7–ին «Յասեն–Մ» նախագծի արդիականացրած «Կազան» ատոմային հրթիռային սուզանավը փոխանցվել է Ռուսաստանի ռազմածովային ուժերի Հոյւսիսային նավատորմին։

Այս մասին հայտնում է «ՌԻԱ Նովոստի» գործակալությունը։

Սուզանավն ի սկզբանե պետք է ՌԾՈւ–ին փոխանցվեր 2019 թվականին, սակայն փորձարկումների երկարաձգման պատճառով այն համալրեց ՌԾՈւ կազմը միայն 2021 թվականին։

«Կազանի» սպառազինության մեջ առկա են «Կալիբր» և «Օնիկս» թևավոր հրթիռներ, որոնցով նավը փորձարկումների ընթացքում խոցել էր ուսումնական թիրախներ։

«Յասեն–Մ» նախագծի ատոմային հրթիռային «Կազան» սուզանավը

«Կազանը» իր նախագծի երկրորդ սուզանավն է։ 2014 թվականին ՌԾՈւ–ին էր փոխանցվել «Սեվերոդվինսկ» սուզանավը, իսկ այս տարի նախատեսվում է շահագործման հանձնել «Նովոսիբիրսկ» ատոմային սուզանավը։

Նույն նախագծի «Կրասնոյարսկ», «Արխանգելսկ», «Պերմ» և «Ուլյանովսկ» սուզանավերը պատրաստման փուլում են, իսկ նախագծի 7 և 8–րդ «Վալադիվաստոկ» և «Վորոնեժ» նավերը նախատեսվում է զինված ուժերին փոխանցել 2027-28 թվականներին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *