[ԹԱՐՄԱՑՎԱԾ] Թուրքիայի տարածքում Սիրիայից արձակված հրթիռներ են ընկել․ ՊՆ

Մարտի 18-ին ժամը 22:00-ի սահմաններում Թուրքիայի՝ Սիրիային սահմանակից Քիլիս քաղաքի տարածքում 2 հրթիռ է ընկել, որոնք ենթադրաբար արձակվել են Սիրիայի տարածքից։ Նախնական տվյալներով մարդկային կորուստներ չկան։

[Թարմացում] Թուրքիայի պաշտպանության նախարարության տարածած հայտարարության մեջ հաստատվում է տեղեկությունը, որ հրթիռներն արձակվել են Սիրիայից։ Նշվում է, որ կրակի դադարեցման համար դիմել են Ռուսաստանի Դաշնությանը, ինչպես նաև պատասխան հարվածներ են հասցվել թիրախներին։ [Թարմացում]

Սոցիալական ցանցերում տեղեկություններ են տարածվում, որ հրթիռային հարվածի հետևում կանգնած է քրդական «Սիրիայի դեմոկրատական ուժեր»-ը (SDF)։

Թուրքիայի պետական «Անադոլու» լրատվական գործակալության փոխանցմամբ՝ որոշ պաշտոնյաներ նշում են, որ հրթիռները «Քրդական աշխատավորական կուսակցության» (PKK) և հարակից խմբավորումների վերահսկողության տակ գտնվող Թել Ռըֆաթ շրջանից են արձակվել։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *